- GIOVANNI CHIODELLI
- Messaggi : 19
Data di iscrizione : 19.07.22
Età : 78
Località : PALERMO
SCAMPAGNATA DI FERRAUSTU
Lun Ago 15, 2022 11:07 pm
SCAMPAGNATA DI FERRAUSTU
Ma chi bedda scampagnata
ca nni ficimu sta jurnata,
me cumpari e so mugghieri
mi scuitaru a testa aieri
mi nni stavu rilassatu
nta poltrona stinnicchiatu
mi squillò lu cellulari,
mi chiamava me cumpari.
Rispunnivu nsunnacchiatu
“mi l'avevu immaginatu
c'arrivava sta chiamata
sulu pi la scampagnata”
pi dumani c'amu a fari?
Nni vulemu organizzari?
Pu manciari pensu iu
pi pagari pensa Diu!
Me cumpari è un tipu stranu
avi sempri u cori in manu
scherza sempri ed è felici
si vicinu avi l'amici
nun mi potti rifiutari
e perciò app'accittari
vasinnò nasci l'offisa
picchì avia già fattu a spisa.
Me cumpari, assai cuntentu
sutta a casa ca seicentu
portapacchi già muntatu,
menzu munnu caricatu,
cuminciò a ghittari vuci:
accattavu i babbaluci!
Scinni allestu allura allura
me muggheri avi primura
ca pigghiari voli u postu
comu fa ogni ferraustu
picchì dici ca liggiu
ca a favorita già s'inchiu!
Nto sedili di darreri
s'assittaru li muggheri
supra i ammi i picciriddi
mi tiravanu i capiddi
Di davanti iu e Pippinu
me cumpari e un ciascu i vinu
mentri l'avutru, Iachineddu
attaccatu a lu spurteddu!
Stereo misu forti forti
cu li ammi tutti storti
iu ci dissi d'abbassari
ma capiu l'avia a ghisari
li cristiani di palazzi
divintaru tutti pazzi
cu tirava cafitteri
e cu inveci li dinteri
arrivamu nna campagna
chiovi picca ma nni vagna,
semu o quinnici d'austu
e c'è già cu fa l 'arrustu
sunnu i setti di matina,
c'è cu avi a panza china
c'è cu pi lu primu pastu
sta arrustennu carni i crastu
e siccomu me cumpari
sempri fiura voli fari
iddu ittò forti na vuci:
p'antipastu i babbaluci!
Suca tu ca sucu iu
l'antipastu nni finiu
iettu i scocci nta munnizza
ed arrustu la sasizza,
so muggheri nun nni voli
mancia sulu li stigghioli
iu cucivu puru chiddi...
si manciaru i picciriddi
ma, cu fari signorili
c'alungavu quattru alivi
so maritu, tipu finu,
c'allungò tri quarti i vinu
ca pigghiò la via da testa,
la cummari fici festa
stu vinuzzu è troppu beddu
vogghiu fari u spugghiareddu
li cristiani dda vicinu
nni purtaru ancora vinu
Bastianeddu, me cumpari
nun sapia chi cosa fari
quantu litra di cafè....
ci nni detti a tignitè
e parrannu cu rispettu,
lu cafè ci fici effettu!
Milinciani a parmigiana
una tigghia sana sana
nna manciamu in allegria
cu sta bedda cumpagnia
nn'appanzamu tutti quanti
puru l'avutri gitanti
nni finiu purtroppu mali
iemu tutti a lu spitali
ovviamenti nenti è veru,
vogghiu essiri sinceru
chista è tutta fantasia
pi criari sta poesia!
Palermo, lì 15/08/2022
Giovanni Chiodelli
Ma chi bedda scampagnata
ca nni ficimu sta jurnata,
me cumpari e so mugghieri
mi scuitaru a testa aieri
mi nni stavu rilassatu
nta poltrona stinnicchiatu
mi squillò lu cellulari,
mi chiamava me cumpari.
Rispunnivu nsunnacchiatu
“mi l'avevu immaginatu
c'arrivava sta chiamata
sulu pi la scampagnata”
pi dumani c'amu a fari?
Nni vulemu organizzari?
Pu manciari pensu iu
pi pagari pensa Diu!
Me cumpari è un tipu stranu
avi sempri u cori in manu
scherza sempri ed è felici
si vicinu avi l'amici
nun mi potti rifiutari
e perciò app'accittari
vasinnò nasci l'offisa
picchì avia già fattu a spisa.
Me cumpari, assai cuntentu
sutta a casa ca seicentu
portapacchi già muntatu,
menzu munnu caricatu,
cuminciò a ghittari vuci:
accattavu i babbaluci!
Scinni allestu allura allura
me muggheri avi primura
ca pigghiari voli u postu
comu fa ogni ferraustu
picchì dici ca liggiu
ca a favorita già s'inchiu!
Nto sedili di darreri
s'assittaru li muggheri
supra i ammi i picciriddi
mi tiravanu i capiddi
Di davanti iu e Pippinu
me cumpari e un ciascu i vinu
mentri l'avutru, Iachineddu
attaccatu a lu spurteddu!
Stereo misu forti forti
cu li ammi tutti storti
iu ci dissi d'abbassari
ma capiu l'avia a ghisari
li cristiani di palazzi
divintaru tutti pazzi
cu tirava cafitteri
e cu inveci li dinteri
arrivamu nna campagna
chiovi picca ma nni vagna,
semu o quinnici d'austu
e c'è già cu fa l 'arrustu
sunnu i setti di matina,
c'è cu avi a panza china
c'è cu pi lu primu pastu
sta arrustennu carni i crastu
e siccomu me cumpari
sempri fiura voli fari
iddu ittò forti na vuci:
p'antipastu i babbaluci!
Suca tu ca sucu iu
l'antipastu nni finiu
iettu i scocci nta munnizza
ed arrustu la sasizza,
so muggheri nun nni voli
mancia sulu li stigghioli
iu cucivu puru chiddi...
si manciaru i picciriddi
ma, cu fari signorili
c'alungavu quattru alivi
so maritu, tipu finu,
c'allungò tri quarti i vinu
ca pigghiò la via da testa,
la cummari fici festa
stu vinuzzu è troppu beddu
vogghiu fari u spugghiareddu
li cristiani dda vicinu
nni purtaru ancora vinu
Bastianeddu, me cumpari
nun sapia chi cosa fari
quantu litra di cafè....
ci nni detti a tignitè
e parrannu cu rispettu,
lu cafè ci fici effettu!
Milinciani a parmigiana
una tigghia sana sana
nna manciamu in allegria
cu sta bedda cumpagnia
nn'appanzamu tutti quanti
puru l'avutri gitanti
nni finiu purtroppu mali
iemu tutti a lu spitali
ovviamenti nenti è veru,
vogghiu essiri sinceru
chista è tutta fantasia
pi criari sta poesia!
Palermo, lì 15/08/2022
Giovanni Chiodelli
Re: SCAMPAGNATA DI FERRAUSTU
Gio Ago 18, 2022 1:51 am
ti liggia cu gran dilettu
abbuffannumi di gettu
la manciata pregustai
di la jurnata ammenzu e toi
non pinzava stu finali
fantasiusu e irreali.
abbuffannumi di gettu
la manciata pregustai
di la jurnata ammenzu e toi
non pinzava stu finali
fantasiusu e irreali.
A GIOVANNI CHIODELLI piace questo messaggio.
Permessi in questa sezione del forum:
Non puoi rispondere agli argomenti in questo forum.
|
|